سيوه واحه امون
: أسئلة كتير أكيد نفسك تعرف اجابتها
هي سيوة جنة الله في الارض ؟؟
هي صحيح سيوة من افضل الاماكن للعزلة علي مستوي العالم ؟؟
هي صحيح سيوة كان من أقرب الاماكن لقلب الأسكندر الاكبر لما وصل مصر ؟؟ و ايه موضوع الوحي الشهير لأسكندر الاكبر ؟؟
سيوة واحة امون
اللي زار سيوة هيعرف انها فعلا جنة الله في الارض و يطلق عليها بلد المليون نخلة و كمان فيها أكتر من 5000 عين مياه طبيعية و ده اللي بيميزها و أشهرها
(عين كليوباترا ) و كمان بتجمع مابين جمال الطبيعة و المناطق الاثرية اللي من كل الازمنه زي ( مقابر جبل الموتي – مدينة شالي القديمة – معبد الوحي أسكندر الاكبر)
و ايه موضوع الوحي ده ؟؟
معبد امون …… اول الاسكندر ما دخل مصر انشأ الاسكندريه وكانت ولازالت من اجمل المدن بعدها قرر انه يزور بعض مناطق مصر ومنها واحه امون (سيوه) وخصوصا معبدها المشهور معبد امون
وصل الإسكندر إلى معبد آمون بسيوة واستقبله الكاهن الأكبر ودخل الى قدس الأقداس هى حجره مقدسه محدش بيدخلها غير الكاهن الاكبر والملك ودا يدل علي مكانه الاسكندرر عند الكاهن الكبير ولما خرج محكاش اى شئ وكل الي قاله لباقي مرافقيه انه كان فى منتهي السعاده والراحه و يقال انه قال سمعت ما يسرني ( الوحي) انه ابن الاله امون و ده اللي روج ليه الكهنة علشان يتقربوا من اسكندر الأكبر.
استقبال الكاهن للاسكندر كان مختلف تماما عن استقبالهم لقمبيز اللى كان مجهز جيش لاحتلال وطبعا دا اغضب كهنه امون وتنبؤا ليه بالمرض والموت ودا اللى حصل اما الجيش سيوه لكن الجيش تاه وموصلش لسيوه !!!!